DÍA EUROPEO DO DOUTORAMENTO 2026
📅 11-13 de maio
📍 Centro de Estudos Avanzados (CEA) - Microsoft Teams
O 13 de maio de 2026 Europa celebrará o primeiro Día Europeo do Doutoramento. Esta xornada ten como obxectivo poñer en valor o papel fundamental da formación doutoral no impulso da excelencia científica, a innovación e o progreso social, tanto dentro como fóra do ámbito académico.
Durante tres días terán lugar sesións formativas sobre xestión de conflitos, intelixencia artificial, desenvolvemento e tramitación das teses de doutoramento, ética e integridade na investigación, etc. Estas sesións están dirixidas a toda a comunidade universitaria, incluíndo coordinadores/as dos programas, titores/as e directores/as de teses. Poderán seguirse presencialmente ou en liña.