Feria Virtual de Emprego da USC (6 e 7 de maio)

DESCRICIÓN:

Os vindeiros días 6 e 7 de maio celebrarase unha nova edición da Feira Virtual de Emprego da USC, unha iniciativa que ten como obxectivo conectar o estudantado e persoas tituladas da USC co tecido empresarial, ofrecendo acceso a ofertas laborais activas, charlas sobre empregabilidade e espazos de interacción directa con empresas e entidades participantes.  

Esta feira é unha iniciativa da Área de Orientación Laboral da Vicerreitoría de Estudantes e Cultura, coa que se busca implicar a toda a comunidade universitaria, para que o alumnado poida coñecer de primeira man aspectos clave do acceso ao emprego, contactar con profesionais dos recursos humanos e coñecer os perfís máis demandados polas empresas.  

A feira desenvolverase desde as 08:00 h do martes 6 de maio ata as 20:00 h do mércores 7 de maio.

Durante estas dúas xornadas, as persoas participantes poderán:

• Enviar o seu currículo ás ofertas de emprego activas.
• Asistir ás conferencias programadas, previa inscrición.
• Interactuar coas empresas e co equipo da Área de Orientación Laboral e Emprego mediante chats públicos, privados ou videochamadas.
• Consultar contidos informativos das entidades expositoras: vídeos, ligazóns, redes sociais, etc.

REXISTRO:

As persoas interesadas poden rexistrarse na plataforma habilitada e subir o seu currículo en formato PDF, o que lles permitirá acceder a todas as funcionalidades do evento. 

Para máis información ou dúbidas, pode contactar coa Área de Orientación Laboral e Emprego da USC a través do correo: orientacion.santiago@usc.es.  

Máis información