O doutorando da Departamento de Estatística Análise Matemática e Optimización e membro do grupo Modestya, Héctor González Vázquez, recibiu o premio á mellor comunicación oral na sexta edición do PhDay-EIO, celebrada o pasado 23 de outubro de 2026 en Vigo.
Esta xornada está dirixida ao alumnado de doutoramento no ámbito da Estatística e a Investigación Operativa e consolidouse un ano máis como espazo de encontro para que os doutorandos compartan e dean a coñecer as súas investigacións.
O xurado acordou conceder por unanimidade o premio á mellor comunicación oral á presentación titulada “De datos con ruido a variedades: estimación minimax de hipersuperficies”, realizada por Héctor. A entrega do galardón contou coa colaboración da SGAPEIO.
Na fotografía recóllese o momento da entrega do premio. De esquerda a dereita: Nora Martínez Villanueva (socia da SGAPEIO e encargada da entrega do premio), Paula Soto Rodríguez (membro do comité organizador do VI PhDay-EIO), Héctor González Vázquez (gañador do premio) e Alejandro Bernárdez Ferradás (membro do comité organizador do VI PhDay-EIO).
