^Back To Top

Benvido ao PhDay

Comprácenos poder anunciar a segunda edición do PhDay-EIO, que terá lugar o mércores 23 de xuño de 2021 na Facultade de Matemáticas da USC. En función da situación epidemiolóxica decidirase se a xornada é semipresencial (na Facultade de Matemáticas da USC e a través da plataforma Microsoft Teams) ou totalmente telemática. Cremos que é unha oportunidade única para xuntarnos tódolos doutorandos galegos de Estatística, Investigación Operativa e Optimización.

Durante a xornada terán lugar diferentes actividades:

  • Sesións invitadas. Contaremos con dous recentes doutores que nos aportarán a súa visión do doutoramento, así como o comezo da súa andaina como doutor/a.
  • Mesa redonda. Catro doutores con traxectorias diversas debatirán as súas diferentes experiencias na nova etapa posdoutoral e esclarecerán todo tipo de dúbidas nunha rolda final de preguntas.
  • Exposicións orais e pósters. Os participantes que así o desexen poderán presentar o seu traballo en charlas dunha duración aproximada de 15-20 minutos ou tipo póster*. Haberá un premio especial para o mellor traballo.
  • Actividade lúdica. Se as autoridades o permiten, por mor da pandemia, ó final da xornada levarase a cabo unha actividade lúdica para todos os que queiran asistir.

Animámosvos a todos a acudir a este evento!

Para máis información podedes contactar vía email ó seguinte enderezo Este enderezo de correo está a ser protexido dos robots de correo lixo. Precisa activar o JavaScript para velo.

(*) O comité organizador resérvase o dereito de modificar o formato de exposición solicitado en función do número de participantes adscritos a cada opción.


Ligazón Teams

Doutoramento en Estatística e Investigación Operativa

2021. PhDay-EIO