CURSO | Xornada de Usuarios de R en Galicia
9 Outubro, 2025EMPLEO | Contratos Predoctoral FPI_Proyecto MAGIC
9 Outubro, 2025CURSO | Xornada de Usuarios de R en Galicia
9 Outubro, 2025EMPLEO | Contratos Predoctoral FPI_Proyecto MAGIC
9 Outubro, 2025DESCRICIÓN:
A USC ven de publicar 2 contratos de 6 meses de duración a tempo parcial (50{06fdc68f0c32a4bb4bc587245a8893a97471dc602b4e431d14a97651d507d6d7} xornada) para persoal investigador en iniciación dirixidos ao alumnado matriculado no actual curso académico, 2025-2026 nun Máster oficial da USC e que inician a súa andaina na investigación.
CARACTERÍSTICAS DO CONTRATO:
– O importe da contrato, será de 578,34 € brutos mensuais e a parte proporcional das pagas extraordinarias, no seu caso, devengadas.
– A duración destes contratos será de 6 meses, e o inicio da mesma será o primeiro día do mes seguinte ao da resolución definitiva de concesión, e sempre que a persoa beneficiaria achegue toda a documentación requirida para poder activar a súa alta indicada na base décimo cuarta desta convocatoria.
– A xornada de traballo será ao 50 por cento da xornada de dedicación diaria (17, 5 horas semanais).
REQUISITOS DE PARTICIPACIÓN:
– Estar matriculados nun Máster oficial da USC no curso 25-26.
– Na data de inicio do seu contrato, a persoa beneficiaria non poderá ter ningún contrato laboral vixente cunha entidade de carácter publico ou privado.
– Deberán estar en posesión dun título universitario do sistema educativo, que lles habiliten ou capaciten para o exercicio da súa actividade laboral.
– A data límite da obtención do titulo establecido no parágrafo anterior deberá estar dentro dos 3 anos anteriores ou, dos cinco anos no caso de persoas que acrediten algunha discapacidade, á data fin do prazo de solicitudes desta convocatoria.
– Non poderán participar aquelas persoas que xa obtiveran unha experiencia profesional ou realizado algunha actividade formativa na USC por mais de 3 meses (non se terán en conta para estes efectos os períodos de formación ou prácticas que formen parte do currículo esixido para a obtención da titulación ou certificado que habilita esta contratación).
– A formalización da matricula nun programa de doutoramento será causa de extinción do contrato.
PRESENTACIÓN DE SOLICITUDES:
A presentación de solicitudes farase a través da Sede Electrónica da Universidade de Santiago de Compostela, empregando o formulario de solicitude dispoñible dirixida á Subárea de Convocatorias e de RRHH ou por calquera dos medios establecidos no artigo 16 da Lei 39/2015 do 1 de outubro, do procedemento administrativo común das administracións públicas.
O prazo de presentación de solicitudes comezará ao día seguinte da publicación no Taboleiro Electrónico e rematará aos 10 días naturais a contar a partir do día seguinte ao da súa publicación.